祈りうた〜トウトガナシ〜(アルバム・バージョン)-城南海

飛(とぅ)びゅるクッカルぬ　美(きょ)ら声(ごえ)にひきゃされてぃ

森(もり)こえればよ　青(おお)さん海(うみ)ぬあたん

「今日(きゅう)ぬ誇(ほこ)らしゃ　何時(いつぃ)よりも勝(まさ)り

何時(いつぃ)も今日(きゅう)ぬ如(ぐとぅ)に　あらち給(たぼ)れ」とぅ

ネリヤカナヤに祈(いの)りてぃ

ゆるくびも　くちぇさも

なきゃ想(うむ)ぃ涙(なだ)も　歌(うた)に変(か)えてぃ

魂(まぶり)　いちがれん　響(ひび)かし給(たぼ)れ

吹(ふ)ちゅれぃよ　南(はい)ぬ御風(みかぜ)

太陽(てぃだ)ぬうてぃまぐれ

母(あんま)父(じゅう)とぅ浜(はま)うれぃてぃ

聞(き)ちゃる波音(なみうとぅ)　あん日々(ひび)や懐(なち)かしゃ

「しとぅめてぃうがめーら

茶(ちゃ)んはち　しきぃれんど

今日(きゅう)まいい事(くとぅ)ぶぇん　あらち給(たぼ)り

尊々加那志(とうとがなし)」

今(なま)も聞(き)かるん

くぬ島(しま)に生(ま)りてぃ　くぬ島(しま)想(うむ)てぃ生(い)きゆん

うやふじうかげ　忘(わすぃ)れぃやならぬ

何時(いつぃ)ぬ日(ひ)も　くぬ胸(きむ)に

「今日(きゅう)ぬ誇(ほこ)らしゃ　何時(いつぃ)よりも勝(まさ)り

何時(いつぃ)も今日(きゅう)ぬ如(ぐとぅ)に　あらち給(たぼ)れ」とぅ

ネリヤカナヤに祈(いの)りてぃ

ゆるくびも　くちぇさも

なきゃ想(うむ)ぃ涙(なだ)も　歌(うた)に変(か)えてぃ

魂(まぶり)　いちがれん　響(ひび)かし給(たぼ)れ

吹ちゅれぃよ　南(はい)ぬ御風(みかぜ)